2020-10-01

ابنة فنان مصري تتبرأ من والدها

أعلنت ابنة الفنان المصري، محمد شومان، تبرؤها وأسرتها من والدها، مؤكدة أن لا علاقة لهم به، سواء هي أو والدتها أوأشقاؤها، ردا على بيان أصدره والدها، أعلن فيه اعتقال ابنه وشقيقه في مصر.

وقالت لجين شومان، عبر مقطع فيديو نشرته عبر حسابها على “فيسبوك”: “اضطريت آسفة أعمل الفيديو ده بعد ما تجنبته لسنين، لأسباب كتير أوي منها أن ناس قليلة جدا اللي تعرف إنك بابايا، فعلا كان نفسي أكمل كده ومحدش يعرف، ده رد على البيان اللي محمد شومان أصدره النهار ده على صفحته”.

وردا على مناشدة شومان المقيم في تركيا منذ عدة سنوات، بإنقاذ أسرته، قالت لجين: “الأول عاوز أعلق على إننا مش أسرتك علشان أنت مجرد اسم على البطاقة، وإحنا ملناش صلة بيك، وقطعنا كل ما ليه علاقة بيك من 5 سنين”.

وعاتبت ابنة الفنان المصري والدها، قائلة: “ابنك اللي بتناشد السلطات علشان تطلعه، اللي إنت متحملتش مسؤوليته من وهو عنده سنة ونص، واللي ربته هي أمه واللي طلع مع مامته”.

وتابعت: “أنت مش رب أسرتنا، إحنا رب أسرتنا أمنا، ورب أسرة أحمد أمه بردو، أنت مش مسؤول عننا ولا مسؤول مننا، ومش من حقك تطلع تتكلم بلساننا، وإحنا مطلبناش منك ده ولا عمرنا طلبنا منك أي حاجة خالص”.

وانتقدت لجين مناشدة والدها، قائلة: “عاوز تعمل صورة الأب اللي هو عاوز ينقذ أولاده، أنزل وواجه ده بنفسك، بس متبقاش قاعد في بلد تانية وتتكلم بإسمنا”.

وأكدت محاولة أسرتها لاستثناء اسم والدها من البطائق الشخصية، إلا أن المحاولة “فشلت”، وناشدت السلطات لمساعدتها في ذلك، وطالبت والدها بعدم الحديث نيابة عنهم، واعتبرت بياناته مجرد “شكليات”،

واختتمت حديثها بالقول: “إحنا هنا علشان عاوزين نفضل هنا ومن غيرك وبقالنا سنين هنا، أنت هناك علشان ده قرارك أنت لوحدك إن أنت تكمل هناك وتبني حياتك هناك، إحنا كملنا من غيرك وعشنا حياتنا هنا من غيرك وفضلنا نخطي خطوات كتير من غيرك”.

يذكر أن الفنان المصري، محمد شومان، أصدر بيانا رسميا عبر صفحته على “فيسبوك”، قال فيه إن قوات الأمن في مصر، اعتقلت نجله أحمد وشقيقه فؤاد، في 13 فبراير الماضي، وأخفتهما قسريا لعدة أيام، ثم وجهت لهما لاحقا اتهامات بالانتماء لجماعة إرهابية.

المصدر: وكالات

شارك